ପଦ୍ମଶ୍ରୀ ଡଃ ସତ୍ୟନାରାୟ ରାଜଗୁରୁଙ୍କ ୧୨୧ ତମ ଜୟନ୍ତୀ ପାଳନ ପାଇଁ ପ୍ରସ୍ତୁତି ବୈଠକ
ପାରଳାଖେମୁଣ୍ଡି, : ପାରଳାମାଟିର ବରପୁତ୍ର, ପ୍ରଖ୍ୟାତ ଐତିହାସିକ ତଥା ଗବେଷକ ତଥା ପ୍ରଭୂତତ୍ତ୍ୱବିଦ ପଦ୍ମଶ୍ରୀ ଡଃ. ସତ୍ୟନାରାୟଣ ରାଜଗୁରୁଙ୍କ ୧୨୧ ତମ ଜୟନ୍ତୀ ପାଳନ ପୂର୍ବକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଥିବାର ଜଣାପଡିଛି । ଏହି ଜୟନ୍ତୀ ଆସନ୍ତା ୧୯.୦୮.୨୦୨୩ ଦିନ ପାଳନ ନିମନ୍ତେ ଡଃ ସତ୍ୟ ନାରାୟଣ ରାଜଗୁର ସ୍ମୃତି ସଂସଦ ତରଫରୁ ସଂସଦର ସଭାପତି ପୂର୍ଣ୍ଣଚନ୍ଦ୍ର ମହାପାତ୍ରଙ୍କ ଅଧ୍ୟକ୍ଷତାରେ ପ୍ରସ୍ତୁତି ବୈଠକ ହୋଇଥିଲା । ସଂସଦର ସମ୍ପାଦକ ଆଚାର୍ଯ୍ୟ ବିନøାଦ ଚନ୍ଦ୍ର ଜେନା ଗତ ବର୍ଷ ଜୟନ୍ତୀ ପାଳନର ସଫଳତା ସମ୍ପର୍କରେ ସୂଚନା ଦେଇଥିଲେ । ଚଳିତ ବର୍ଷ ବ୍ରହ୍ମପୁର କିମ୍ବା ଭୁବନେଶ୍ୱରୁ ଏକ ବିଶିଷ୍ଟ ସାହିତ୍ୟକ କିମ୍ବା ଐତିହାସିକଙ୍କୁ ଅତିଥି ବାବେ ନିମନ୍ତ୍ରଣ କରାଇବା ପାଇଁ ଆଲୋଚନା ହୋଇଥିବା ବେଳେ ଗଜପତି ଜିଲ୍ଲାପାଳଙ୍କୁ ମୁଖ୍ୟ ଅତିଥି ବାବେ ନିମନ୍ତ୍ରଣ କରାଯିବାପାଇଁ ପ୍ରସ୍ତ।।ବ ଗୃହୀତ ହୋଇଥିଲା । ଏହା ସହ ଏହି ଅବସରରେ ସ୍କୁଲ ଓ ମହାବିଦ୍ୟାଳୟ ସ୍ତରରେ ପୂର୍ବବର୍ଷମାନଙ୍କ ପରି ହେଉଥିବା ବକ୍ତୃତା ପ୍ରତିଯୋଗିତା ଆୟୋଜନ ଓ ବିଷୟବସ୍ତୁକୁ ନେଇ ଆଲୋଚନା ମଧ୍ୟ ହୋଇଥିଲା । ଏହି ପ୍ରସ୍ତୁତି ବୈଠକରେ ଅନ୍ୟମାନଙ୍କ ମଧ୍ୟରେ ସଂସଦର କାର୍ଯ୍ୟକାରିିଣୀ କମିଟିର ସଦସ୍ୟ/ସଦସ୍ୟାମାନଙ୍କ ସହ ଭାରତଭୂଷଣ ମହାନ୍ତି, ଆଶାଲତା ପାଣିଗ୍ରାହୀ, ଜଗଦୀଶ ମହାପାତ୍ର, ମଲ୍ଲିକାର୍ଜୁନ ପଟ୍ଟନାୟକ, ଭାଗବତ ପାଢୀ ପ୍ରମୁଖ ଉପସ୍ଥିତଥିଲେ । ପରିଶେଷରେ ସଭ୍ୟ ତ୍ରିପତି ପ୍ରସାଦ ପଣ୍ଡା ଧନ୍ୟବାଦ ପ୍ରଦାନ କରିଥିଲେ ।
