ଅବକାରୀ ଚଢଉ : ବ୍ୟାପକ ପରିମାଣର ପୋଚ ଓ ଦେଶୀ ରନ୍ଧାମଦ ନଷ୍ଟ, ୩ଗୋଟି ମାମଲା ରୁଜୁ, ୨ଗିରଫ

ପାରଳାଖେମୁଣ୍ଡି : ଗଜପତି ଜିଲ୍ଲାପାଳ ସ୍ମୃତି ରଞ୍ଜନ ପ୍ରଧାନଙ୍କ ଆଦେଶ ପ୍ରକାରେ ଅବକାରୀ ଅଧିକ୍ଷକ ପ୍ରଭାତ କୁମାର ସେଠୀଙ୍କ ନିର୍ଦ୍ଦେଶରେ କାଶୀନଗର ବ୍ଲକ ଅନ୍ତର୍ଗତ ସିଙ୍ଗିପୁର ଗ୍ରାମର ବିଭିନ୍ନ ସ୍ଥାନ ଠାରେ ଅବକାରୀ ଚଢଉ କରାଯାଇଥିଲା । ଏହି ଚଢଉ ବେଳେ ଆଠ ଶହଲ ଲିଟର ପୋଚ ସହ ଶହେ ଲିଟର ଦେଶୀ ରନ୍ଧା ମଦ ଜବତ କରାଯାଇ ନଷ୍ଟ କରାଯାଇଥିବାର ଜଣାପଡିଛି । ଏଥି ସହ ଘଟଣାକୁ ନେଇ ତିନି ଗୋଟି ମାମଲା ରୁଜୁ କରାଯାଇ ଥିବା ବେଳେ ଗୋଟିଏ ସ୍କୁଟି ସମେତ ଦୁଇ ଜଣଙ୍କୁ ଗିରଫ କରାଯାଇଥିବାର ସୂଚନା ପ୍ରଦାନ କରାଯାଇଛି । ଏହି ଚଢଉରେ ଅବକାରୀ ନିରୀକ୍ଷକ ପ୍ରକାଶ ସାହୁ, ଏସ୍ଆଇ ବିଙ୍ଗରାଜ ଦାମି, ଏଏସ୍ଆଇ ସୁରେଶ ଚନ୍ଦ୍ର ମିଶ୍ର, ଅବକାରୀ ମୋବାଇଲ ୟୁନିଟର ଏସ୍ଆଇ ମଙ୍ଗଳା ଛତ୍ରୀୟ ପ୍ରମୁଖଙ୍କ ସମେତ ବହୁ ଅବକାରୀ କର୍ମଚାରୀମାନେ ସାମିଲ ଥିଲେ । ଗିରଫ ଅଭିଯୁକ୍ତ ଦ୍ବୟ ହେଲେ ଯଥା ପି.ନାରାୟଣ ରାଓ ଓ ନାକା କ୍ରିଷ୍ଣା ବୋଲି ଜଣାପଡିଥିବା ବେଲେ ଉଭୟଙ୍କୁ କୋର୍ଟକୁ ଚାଲାଣ କରାଯାଇଥିବାର ବିଭାଗୀୟ ସୂତ୍ରପୁର ପ୍ରକାଶ ।