ଭାରତ ସରକାରଙ୍କ ଯୁଗ୍ମ ସଚିବ ତଥା ବରିଷ୍ଠ ପ୍ରଶାସିକା ରୂପା ମିଶ୍ରଙ୍କ ଗଜପତି ଗସ୍ତ
ପାରଳାଖେମୁଣ୍ଡି : ଗଜପତି ଜିଲ୍ଳା ପାରଳାଖେମୁଣ୍ଡି ଭାରତ ସରକାରଙ୍କ ଯୁଗ୍ମ ସଚିବ ତଥା ବରିଷ୍ଠ ପ୍ରଶାସିକା ରୂପା ମିଶ୍ର ଆଜି ଗଜପତି ଗସ୍ତରେ ଆସି ବିଭିନ୍ନ ଉନ୍ନୟକ କାର୍ଯ୍ୟର ଅନୁଧ୍ୟାନ କରିଛନ୍ତି । ସେ ପାରଳାଖେମୁୁଣ୍ଡି ପହଂଚିବା ପରେ ପାରଳା ପୌରାଂଚଳ ଅନ୍ତର୍ଗତ ଶଙ୍କୁରୀ ପୋଖରୀ, ସଦରା ପୋଖରୀ, ରାମନଗର ସ୍ଥିତ ବର୍ଯ୍ୟବସ୍ତୁ କମ୍ପୋଷ୍ଟ ୟୁନିଟ ଆଦି ବୁଲି ଦେଖିଥିଲେ । ସେହି ସବୁ ସ୍ଥାନର ଉନ୍ନୟନ କାର୍ଯ୍ୟ ବିଷୟରେ ଅଧିକାରୀମାନଙ୍କୁ ପଚାରି ବୁଝିବା ସହ ସେମାନଙ୍କ ସହ ବିସ୍ତୃତ ଭାବେ ଆଲୋଚନା କରିଥିଲେ । ପରେ ସେ ପାରଳା ସହରର ରାମସାଗର ପରିଦର୍ଶନ କରି ତାର ଉନ୍ନୟନ ବିଷୟରେ ସମିକ୍ଷା କରିଥିଲେ । ସେ ପରିଦର୍ଶନ କରିବା ସମୟରେ ପାରଳା ପୌରାଧକ୍ଷା ନିର୍ମଳା ସେଠୀ, ନିର୍ବାହୀ ଅଧିକାରୀ ବନମାଳୀ ଶତପଥୀ, ଯନ୍ତ୍ରୀ ସଂଜିବ ଚମ୍ପତି, କନିିଷ୍ଠଯନ୍ତ୍ରୀ ଡି ଯୁଧିଷ୍ଠିର ପ୍ରମୁଖଙ୍କ ସହ ଅନ୍ୟାନ୍ୟ କର୍ମକର୍ତା ଉପସ୍ଥିତ ଥିଲେ ।
