ଗଞ୍ଜେଇ ମାଫିଆ ବିଜୟ ପାଣି ଓ ତା ପୁଅ ସତ୍ରୁଜିତ୍ ପାଣିର ସମ୍ପତ୍ତି ବାଜ୍ୟାପ୍ତି କଲା ପୁରୀ ପୋଲିସ

ଗଞ୍ଜେଇ ମାଫିଆ ବିଜୟ ପାଣି ଓ ତା ପୁଅ ସତ୍ରୁଜିତ୍ ପାଣିର ସମ୍ପତ୍ତି ବାଜ୍ୟାପ୍ତି କଲା ପୁରୀ ପୋଲିସ । ଗତ ମେ ୩ ତାରିଖରେ କୁଖ୍ୟାତ ଗଞ୍ଜେଇ ମାଫିଆ ବିଜୟ ପାଣି ଓ ତା ପୁଅ ସତ୍ରୁଜିତ୍ ପାଣିକୁ ପୁରୀ ସଦର ବ୍ରହ୍ମଗିରି ଥାନା ପୋଲିସ ଗିରଫ କରିଥିଲା । ଏମାନଙ୍କ ଠାରୁ ପୋଲିସ ଓ ଏସଆଇଟି ଟିମ୍ ୬୨୪ କେ.ଜି ରୁ ଉର୍ଦ୍ଧ୍ଵ ଗଞ୍ଜେଇ ଜବତ କରିଥିଲା । ଏଥିସହ ହାତ ତିଆରି ବୋମା ମଧ୍ୟ ପୋଲିସ ଜବତ କରିଥିଲା । ଅଭିଯୁକ୍ତ ବାପ ପୁଅ କନ୍ଧମାଳରୁ ଗଞ୍ଜେଇ ଆଣି ଘରେ ଠୁଳ କରି ରଖିବା ସହ ରଥଯାତ୍ରାରେ ବେପାର କରିବା ପାଇଁ ଯୋଜନା କରିଥିଲେ । ଦୀର୍ଘ ଦିନ ଧରି ବାପ ପୁଅ ଏହି କାରବାରରେ ସଂପୃକ୍ତ ଥିଲା । ଏହି ଘଟଣାରେ ପୁରୀ ପୋଲିସ ୩ କୋଟି ଟଙ୍କାର ସମ୍ପତି ବାଜ୍ୟପ୍ତି କରିଛି । ଏଥିରେ ୯ଟି ପ୍ଲଟ, ୪ଟି ଘର ସହ ଚାରିଚକିଆ ଓ ଦୁଇଚକିଆ ଯାନ ଆଟାଜ୍ ହୋଇଛି। କୋଲକୋତା ସ୍ଥିତ SAFEMA ବରିଷ୍ଠ ଅଧିକାରୀଙ୍କ ଠାରୁ ସମ୍ପତ୍ତି ବାଜ୍ୟାପ୍ତି ପାଇଁ ଅନୁମତି ମିଳିଥିବା ଟାଉନ୍ ଥାନା ପରିସରରେ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ଏସପି ଡଃ କନୱର ବିଶାଳ ସିଂ ସୂଚନା ଦେଇଛନ୍ତି । ପୂର୍ବରୁ ମଧ୍ୟ ଜଣେ ବ୍ରାଉନ୍ ସୁଗାର ବେପାରୀଙ୍କ ୧ କୋଟିରୁ ଉର୍ଦ୍ଧ୍ବ ଟଙ୍କାର ସମ୍ପତି ବାଜ୍ୟପ୍ତି ହୋଇଥିଲା ।