ବଜ୍ରପାତରେ ତିନି ପରିବାର ସର୍ବସ୍ବାନ୍ତ, ୨ ଗୁରୁତର, ଜଣେ ସାମାନ୍ୟ ଆହତ

ପାରାଦ୍ଵୀପ :  କୁଜଙ୍ଗ ବ୍ଲକ ଜିଲ୍ଲାନାସୀ ପଞ୍ଚାୟତ ର ବରିହାଡିଆ ଗ୍ରାମରେ ବଜ୍ରପାତ ଘଟି ତିନି ପରିବାର ସର୍ବସ୍ବାନ୍ତ ହୋଇଥିବା ବେଳେ ଦୁଇଜଣ ଗୁରୁତର ଓ ଜଣେ ସାମାନ୍ୟ ଆହାତ ହୋଇଛନ୍ତି । ଗତକାଲି ବିଳମ୍ବିତ ରାତିରେ କାଳବୈଶାଖୀ ର ତାଣ୍ଡବ ଦେଖିବାକୁ ମିଳିଥିଲା। ଏହାର ପ୍ରଭାବରେ ଗ୍ରାମର ରାଧେଶ୍ୟାମ ପରିଡ଼ା ଙ୍କ ଘରେ ବଜ୍ରାଘାତ ହୋଇ ତାଙ୍କ ଘର ଜଳିବା ଆରମ୍ଭ ହୋଇଥିଲା । ଏହି ସମୟରେ ଘରେ ଥିବା ଏକ ଗ୍ୟାସ୍ ସିଲିଣ୍ଡର୍ ରେ ନିଆଁ ଲାଗିଯିବାରୁ ସିଲିଣ୍ଡର୍ ଟି ଫାଟି ଯାଇଥିଲା। ଫଳରେ ରାଧେଶ୍ୟାମ ଙ୍କ ଘର ନିକଟରେ ଥିବା ଗୈାରହରି ପରିଡ଼ା ଓ ମଥୁରା ପରିଡ଼ା ଙ୍କ ଘରେ ମଧ୍ୟ ନିଆଁ ଲାଗି ଯାଇଥିଲା । ଏଥିରେ ମଥୁରା ବେହେରାଙ୍କ ସ୍ତ୍ରୀ ଲତିକା ପରିଡ଼ା ଓ ତାଙ୍କ ବଡପୁଅ ସଞ୍ଜୟ ପରିଡ଼ା ଗୁରୁତର ଆହତ ହୋଇଥିବା ବେଳେ ମଥୁରା ଙ୍କ ସାନ ପୁଅ ବୁଟୁ ପରିଡ଼ା ସାମାନ୍ୟ ଆହାତ ହୋଇଛନ୍ତି। ସେମାନଙ୍କୁ ପ୍ରଥମେ କୁଜଙ୍ଗ ମେଡିକାଲ, ପରେ ଜଗତସିଂହପୁର ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା । ସେଠାରେ ଅବସ୍ଥା ଗୁରୁତର ହେବାରୁ ଉଭୟଙ୍କୁ କଟକ ସ୍ଥାନାନ୍ତର କରାଯାଇଛି। ଏହି ଅଗ୍ନିକାଣ୍ଡରେ ତିନୋଟି ପରିବାରର ଘର ଓ ଆସବାବ ପତ୍ର ସମେତ ଲକ୍ଷାଧିକ ଟଙ୍କାର ସମ୍ପତ୍ତି ସମ୍ପୁର୍ଣ୍ଣ ପୋଡ଼ି ନଷ୍ଟ ହୋଇଯାଇଛି। ଜିଲ୍ଲା ପ୍ରଶାସନ ଗୁରୁତର ଆହତ ବ୍ୟକ୍ତି ଙ୍କ ଚିକିତ୍ସା ଉପରେ ସମ୍ପୁର୍ଣ୍ଣ ନଜର ରଖିବା ସହିତ ଉନ୍ନତ ଚିକିତ୍ସା ପାଇଁ ବନ୍ଦୋବସ୍ତ କରିଛନ୍ତି। କୁଜଙ୍ଗ ତହସିଲଦାର, ବିଡ଼ିଓ ଓ ବ୍ଲକ ଅଧ୍ୟକ୍ଷା ମଧ୍ୟ ଘଟଣାସ୍ଥଳ ପରିଦର୍ଶନ କରିଛନ୍ତି। ସ୍ଥାନୀୟ ସମାଜସେବୀ ତଥା ବିଜେଡି ନେତା ତପନ ସାମନ୍ତରାୟ, ଜିଲ୍ଲାପରିଷଦ ସଦସ୍ୟ ମଧ୍ୟ ଅସହାୟ ପରିବାର କୁ ଖାଦ୍ୟ ଓ ବସ୍ତ୍ର ପ୍ରଦାନ କରିଛନ୍ତି ।