ଗଜପତି ଜିଲ୍ଲା ଭାଜପା ପକ୍ଷରୁ କାର୍ଗିଲ ବିଜୟ ଦିବସ ପାଳନ

ପାରଳାଖେମୁଣ୍ଡି : ଗଜପତି ଜିଲ୍ଲା ଭାଜପା ପକ୍ଷରୁ କାର୍ଗିଲ ବିଜୟ ଦିବସ ପାଳିତ ହୋଇଯାଇଛି । ଜିଲ୍ଲା ସଦର ମହକୁମା ପାରଳାଖେମୁଣ୍ଡି ସହର ଠାରେ ଥିବା ଜିଲ୍ଲା ଭାଜପା କାର୍ଯ୍ୟାଳୟ ପରିସରରେ ପାରଳାଖେମୁଣ୍ଡି ବିଧାୟକ କେ.ନାରାୟଣ ରାଓଙ୍କ ନେତୃତ୍ୱରେ ବହୁ ଜିଲ୍ଲା ଭାଜପା ନେତା ଓ କର୍ମୀମାନେ ଯୋଗଦେଇ ଭାରତମାତା ଏବଂ ଅମର ଜବାନଙ୍କ ଫଟୋ ଚିତ୍ରରେ ପୁଷ୍ପମାଲ୍ୟ ଅର୍ପଣ କରିବା ସହ ପ୍ରଦୀପ ପ୍ରଜ୍ୱଳନ କରାଯାଇ ୧୯୯୯ ମେ’ରୁ ଜୁଲାଇ ମଧ୍ୟରେ ଭାରତ-ପାକ ଭିତରେ ଯେଉଁ ରକ୍ତାକ୍ତ ସଂଘର୍ଷ ହୋଇଥିଲା ଭାରତୀୟ ସେନାର ଉଚ୍ଚିତ ଜବାବ ଫଳରେ ପଛକୁ ହଟିଥିଲା ପାକ୍ ସୈନ୍ୟ । ହେଲେ ଭାରତୀୟ ଯବାନ ମାନେ ନିଜ ଜୀବନକୁ ଜଳାଞ୍ଜଳି ଦେଇ ବିଜୟ କରିଥିବାର ସ୍ମୃତିଚାରଣ କରାଯାଇଥିଲା । ୧୮ ହଜାର ଫୁଟ ଏବଂ ମାଇନସ୍ ୪୮ ଡିଗ୍ରୀ ସେଲସିଅସ୍ ତାପମାତ୍ରାରେ ଶତ୍ରୁ ସୈନ୍ୟଙ୍କୁ ତଡିବା ସମଗ୍ର ବିଶ୍ୱରେ ଯେ କୌଣସି ସେନା ପାଇଁ ମୁସ୍କିଲ କାମ । ହେଲେ ମାତୃଭୂମିର ସୁରକ୍ଷା ପାଇଁ ଇଞ୍ଚଟିଏ ହେଲେ ପଛକୁ ନ ହଟି ଭାରତୀୟ ସେନା ଦେଶପ।।ଇଁ ଲଢିଚାଲି ବିଜୟ ଲାଭ କରିଥିବାର ଗାଥା ସଦାସର୍ବଦା ଚିର ସ୍ମରଣୀୟ ହୋଇ ରହିବ ବୋଲି ମତବ୍ୟକ୍ତ କରିଥିଲେ ।