ରଥଯାତ୍ରା ଉପଲକ୍ଷେ ଭାରତ ସ୍କାଉଟ୍ସ ଏବଂ ଗାଇଡ଼ସ ପକ୍ଷରୁ ସେବା ଶିବିର
ପାରଳାଖେମୁଣ୍ଡି : ପବିତ୍ର ରଥଯାତ୍ରା ଉପଲକ୍ଷେ ଗଜପତି ଜିଲ୍ଲା ଶିକ୍ଷା ଅଧିକାରୀ ପ୍ରୋଦୋଷ କୁମାର ନାଇକ ଙ୍କ ନିର୍ଦେଶ କ୍ରମେ ଓଡିଶା ରାଜ୍ୟ ଭାରତ ସ୍କାଉଟ୍ସ ଏବଂ ଗାଇଡ଼ସ, ଭୁବନେଶ୍ୱର ଆନୁକୂଲ୍ୟରେ ଗଜପତି ଜିଲ୍ଲା ଭାରତ ସ୍କାଉଟ୍ସ ଏବଂ ଗାଇଡ଼ସ, ପାରଳାଖେମୁଣ୍ଡି ତରଫରୁ ମହାରାଜାଙ୍କ ବାଳକ ବିଧ୍ୟାଳୟ ସମୁଖରେ ଏକ ସେବା ଶିବିର ଆୟୋଜନ କରାଯାଇଛି |ଏହି ସେବା ଶିବିର କୁ ଭାରପ୍ରାପ୍ତ ଆଇପି ସୁରେନ୍ଦ୍ର ପାତ୍ର ଓ ଯାଜପୁର ସରକାରୀ ଉନ୍ନୀତ ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷକ ସାତ୍ମିକ କୁମାର ପଟ୍ଟନାୟକ ଶୁଭ ଆରମ୍ଭ କରି ରଥଯାତ୍ରା ଦେଖିବା ପାଇଁ ଆସିଥିବା ଭକ୍ତ ମାନଂକୁ ମିଠା ଖେଚୁଡ଼ି, ଜଳ ବଣ୍ଟନ କରିବା ସହ ଗରମରୁ ରକ୍ଷା କରିବା ପାଇଁ ପାଣି ସିଞ୍ଚନ କରିଥିଲେ | ମହେନ୍ଦ୍ର ଗିରି ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷକ ପୂର୍ଣ୍ଣ ଚନ୍ଦ୍ର ପ୍ରଧାନଙ୍କ ସମେତ ଡ଼ି. ଶ୍ରୀରାମ ମୂର୍ତ୍ତି, ୱାଇ. ଧର୍ମା ରାଓ, ଖେଳ ଶିକ୍ଷକ ଧୀରେନ୍ଦ୍ର କୁମାର ସାମଲ, ରେଖା ରାଣୀ ଦେଓ, ତପସ୍ୱିନୀ ପଣ୍ଡା, ସଞ୍ଜୟ କୁମାର ପାତ୍ର ଡ଼ିଓସି, ସୁଦୀପ୍ତ କୁମାର ବାରିକ ଏସ. ଲକ୍ଷ୍ମଣ ରାଓ ଓ ଅନ୍ୟାନ ସ୍କାଉଟ ମାଷ୍ଟରସ୍ ଓ ଗାଇଡ଼ସ ପ୍ରମୁଖ ଏହି ସେବା କାର୍ଯ୍ୟକ୍ରମ ରେ ଉପସ୍ଥିତ ରହି ପରିଚାଳନା କରିଥିଲେ | ହାରା ପଞ୍ଚମୀ ଓ ବାହୁଡା଼ ଯାତ୍ରା ଦିନ ମଧ୍ୟ୍ୟ ଏହି ଭଳି ସେବା ଶିବିର ର ଆୟୋଜନ ର ବ୍ୟବସ୍ଥା କରାଯିବ ବୋଲି ସୂଚନା ମିଳିଛି |
