ଆନ୍ଦୋଳନକୁ ଓହ୍ଲାଇଲା ପୁରୀଜିଲ୍ଲା ଅମଲା ମଞ୍ଚ l

ଆଜି ଠାରୁ ଓଡିଶା ଅମଲା ମଞ୍ଚର ସଭାପତି ଜ୍ଞାନ ରଞ୍ଜନ ଦାସଙ୍କ ସଭାପତିତ୍ୱ ରେ ପୁରୀ ଅମଲା କ୍ଳବ ଠାରେ ବିରାଟ ଆନ୍ଦୋଳନ ର ଡାକରାରେ ପୁରୀଜିଲ୍ଲାର ପାଞ୍ଚସହ ରୁ ଉର୍ଦ୍ଧ ଅମଲା ମାନେ ସମୂହ ଛୁଟିନେଇ ଏହି ଆନ୍ଦୋଳନ ରେ ଭାଗନେଇଛନ୍ତି l ଜିଲ୍ଲା ସ୍ତରୀୟ ଅମଲା ମାନଙ୍କର ଏକମାତ୍ର ଦାବି ହେଉଛି ମୂଳ ଦରମା ଲେବୁଲ9 ପ୍ରତି ସରକାରଙ୍କର ଉଦାସୀନତା କୁ ବିରୋଧ କରି ସମସ୍ତ ଅମଲା ମାନେ ମଇ ୩୧ ତାରିଖ ପର୍ଯ୍ୟନ୍ତ କଳାବ୍ୟାଚ ପିନ୍ଧି କାର୍ଯ୍ୟ କରିଥିଲେ l କିନ୍ତୁ ସରକାର ଅମଲା ମାନଙ୍କ କଥାକୁ କାନକୁ ନେଉନଥିବାରୁ ଆଜି ପୁରୀ ଜିଲ୍ଲାର ଜିଲ୍ଲାପାଳ, ଏସପି ଅଫିସ ଠାରୁ ଆରମ୍ଭ କରି ଗାଁ ଗଣ୍ଡାରେ ଥିବା ସରକାରୀ ଦପ୍ତର ଆମଲାମାନେ ସମୂହ ଛୁଟି ନେଇ ଧାରଣାରେ ବସିଛନ୍ତି l ଦାବି ପୂରଣ ନହେଲେ ଅମ୍ଳାମାନେ ସମୂହ ଛୁଟିରେ ରହି ସରକାରୀ କାର୍ଯ୍ୟରେ ଅସହଯୋଗ କରିବେ ବୋଲି ରୋକଠୋକ ଶୁଣାଇ ଦେଇଛନ୍ତି l ଆନ୍ଦୋଳନକୁ ସଫଳ କରିବାପାଇଁ ପୁରୀ ଅମଲା କ୍ଲବ ଠାରେ ଅଧକ୍ଷ ମହେନ୍ଦ୍ର ମହାପାତ୍ର, ଆବାହକ ପ୍ରଣବ କୁମାର ଚିହ୍ନେରାଙ୍କ ନେତୃତ୍ୱ ରେ ଏହି ସାଧାରଣ ସଭା ଅନୁଷ୍ଠିତ ହୋଇଥିଲା l ପୁରୀ ସହରର ସାଧାରଣ ଜନତା ଓ ବୁଦ୍ଧିଜୀବୀ ମହଲ ରେ ଅମଲା ମାନଙ୍କ ଆନ୍ଦୋଳନକୁ ନୈତିକ ସମର୍ଥନ ଦେବା ସହିତ ସରକାର ଅମଲାମାନଙ୍କ ଦାବିକୁ ତୁରନ୍ତ ପୂରଣ କରିବାପାଇଁ ମତବ୍ୟକ୍ତ କରିଛନ୍ତି l