ଗଜପତିରେ +୨ ପରୀକ୍ଷା ଫଳାଫଳ ପ୍ରକାଶିତ

ବିଜ୍ଞାନରେ ୬୧.୫୫ ଓ ବାଣିଜ୍ୟରେ ୭୫.୨୪ ପ୍ରତିଶ ପାସ ହାର ।

ଗଜପତି ଜିଲ୍ଲାରେ +୨ ବିଜ୍ଞାନ ଓ ବାଣିଜ୍ୟ ପରୀକ୍ଷା ଫଳାଫଳ ପ୍ରକାଶିତ ହୋଇଛି । ବିଜ୍ଞାନ ଓ ବାଣିଜ୍ୟ ବିଭାଗର ଫଳାଫଳ ସନ୍ତୋଷ ଜନକ ରହିଥିବା ବେଳେ ବିଜ୍ଞାନରେ ମୋଟ ୬୧.୫୫ ଓ ବାଣିଜ୍ୟରେ ୭୫.୨୪ ପ୍ରତିଶତ ପାସ ହାର ରହିଛି । ଜିଲ୍ଲାରେ ମୋଟ ୧୩ ଗୋଟି ବିଜ୍ଞାନ ଉଚ୍ଚମାଧ୍ୟମିକ ବିଦ୍ୟାଳୟର ମୋଟ ୯୮୨ ଜଣ ପରୀକ୍ଷା ପାଇଁ ଆବେଦନ କରିଥିବା ବେଳେ ୯୬୫ ଜଣ ଛାତ୍ରଛାତ୍ରୀ ପରୀକ୍ଷା ଦେଇଥିଲେ । ଏଥି ମଧ୍ୟରୁ ଜଣେ କପି କରି ଧରାପଡିଥିବା ବେଳେ ୧୬ ଜଣ ଅନୁପସ୍ଥିତ ରହିଥିଲେ । ଜିଲ୍ଲା ମୋଟ ବିଜ୍ଞାନରେ ୫୯୪ଜଣ କୃତକାର୍ଯ୍ୟ ହୋଇ ମୋଟ ୬୧.୫୫ ପାସହାର ରହିଥିବାର ଜଣାପଡିଛି । ସେହିପରି ଜିଲ୍ଲାରେ ଥିବା ଗୋଟିଏ ମାତ୍ର ବାଣିଜ୍ୟ ଉଚ୍ଚ ମାଧ୍ୟମିକ ବିିଦ୍ୟାଳୟରେ ୧୦୪ ଜଣ ଫର୍ମ ଭରିଥିଲେ । ଏଥି ମଧ୍ୟରୁ ୧୦୧ ଜଣ ଛାତ୍ରଛାତ୍ରୀ ପରୀକ୍ଷା ଦେଇଥିଲେ । ଅବଶିଷ୍ଟ ୩ଜଣ ଅନୁପସ୍ଥିତ ରହିଥିବା ବେଳେ ୭୬ ଜଣ କୃତକାର୍ଯ୍ୟ ହୋଇ ମୋଟ ପାସହାର ୭୫.୨୪ ରହିଥିବାର ଜଣାପଡିଛି । ଜିଲ୍ଲାରେ ବିଜ୍ଞାନ ବିଭାଗରେ ମୋଟ ୬୮ଜଣ ପ୍ରଥମ ଶ୍ରେଣୀ, ୨୦୪ଜଣ ଦ୍ୱିତୀୟ ଶ୍ରେଣୀ ଏବଂ ୩୧୦ ଜଣ ତୃତୀୟ ଶ୍ରେଣୀରେ ପାସ ହୋଇଥିବା ବେଳେ କମ୍ପାର୍ଟମେଣ୍ଟରେ ୧୨ଜଣ ଉତ୍ତିର୍ଣ୍ଣ ହୋଇଛନ୍ତି । ସେହିଭଳି ବାଣିଜ୍ୟ ବିଭାଗରେ ପ୍ରଥମ ଶ୍ରେଣୀରେ ୧୧ ଜଣ, ଦ୍ୱିତୀୟ ଶ୍ରେଣୀରେ ୧୭ ଜଣ ଏବଂ ତୃତୀୟ ଶ୍ରେଣୀରେ ୪୮ଜଣ ଉତ୍ତିର୍ଣ୍ଣ ହୋଇଥିବାର ହୋଇଛନ୍ତି । ତେବେ ବିଜ୍ଞାନ ପରୀକ୍ଷାରେ ରାଜ୍ୟ ପାସ ହାର କ୍ଷେତ୍ରରେ ଗଜପତି ଜିଲ୍ଲା ୬୧.୫୫ପ୍ରତିଶତ ରଖି ସର୍ବ ନିମ୍ନ ପାସ ହାର ରହିଥିବାର ଜଣାପଡିଛି ।