ପରଜଙ୍ଗ ତହସିଲଦାର ,କନିଷ୍ଠ କିରାଣୀ ଓ ରାଜସ୍ୱ ନିରୀକ୍ଷକଙ୍କୁ ମାଡ଼ ମାରି ଲହୁଲୁହାଣ କଲେ ଦୁର୍ବୁତ୍ତ ।
ଢେଙ୍କାନାଳ : ଢେଙ୍କାନାଳ ଜିଲ୍ଲା ପରଜଙ୍ଗ ତହସିଲଦାର ସିରିୟାଲ ଶୁଭ୍ର ପଟେଲଙ୍କୁ ମାଡ଼ ମାରି ଲହୁଲୁହାଣ କଲେ ଦୁଇ ଦୁର୍ବୁତ୍ତ । କାମାକ୍ଷାନଗର ଥାନା ପଥରଖମ୍ବ ଗାଁ ନିକଟରେ ବେଆଇନ ଭାବେ ଜେସିବି ଲଗାଇ ମାଟି ଖୋଳୁଥିବା ସମୟରେ ରେଡ଼ କରିଥିଲେ ତହସିଲଦାର । ରେଡ଼ ସମୟରେ ଫଟୋ ଉଠାଉଥିବା ବେଳେ ତହସିଲଦାରଙ୍କ ଗାଡି ଉପରକୁ ଜେସିବି ମେସିନରେ କରାଯାଇଥିଲା ଆକ୍ରମଣ । ଏଥିସହିତ ପାଖରେ ଥିବା ଗଛର ଡାଳରେ ମାଡ଼ ମାରିବା ସହିତ ସାର୍ଟ କୁ ଘୋଷାଡି ଆକ୍ରମଣ କରିଥିଲେ । ଏଥିରେ ପରଜଙ୍ଗ ରାଜସ୍ୱ ନିରୀକ୍ଷକ ଆଲୋକ ଲେଙ୍କା ଓ ତହସିଲ ଅଫିସରେ କାର୍ଯ୍ୟରତ କନିଷ୍ଠ ପ୍ରେମାନନ୍ଦ ବେହେରା ବାରଣ କରିବାରୁ ତାଙ୍କୁ ମଧ୍ୟ ମାଡ଼ ମାରିଥିଲେ ଦୁଇ ଜଣ ଦୁର୍ବୁତ୍ତ । ଗୁରୁତର ଅବସ୍ଥାରେ ସମସ୍ତଙ୍କୁ କାମାକ୍ଷାନଗର ମେଡ଼ିକାଲରେ ଭର୍ତ୍ତି କରାଯାଇଥିବାର ଜଣାପଡିଛି । ପରଜଙ୍ଗ ତହସିଲଦାରଙ୍କ ମୁଣ୍ଡ ,ମୁହଁ ଓ ହାତରେ ଗଭୀର ଆଘାତ ଲାଗିଥିବା ସୂଚନା ମିଳିଛି । ଏ ନେଇ କାମାକ୍ଷାନଗର ପୋଲିସର ତନାଘନା ଜାରି ରଖିଥିବାର ଜଣାପଡିଛି ।
