ଅମଲା ସଂଘର ଦ୍ୱିତୀୟ ଦିନରେ ବିଭିନ୍ନ କାର୍ଯ୍ୟାଳୟ ଆଗରେ ଧାରଣା ପ୍ରତିବାଦ – ସମସ୍ତ ସରକାରୀ କାର୍ଯ୍ୟ ଠପ୍, ଲୋକେ ହନ୍ତସନ୍ତ
ପାରଳାଖେମୁଣ୍ଡିି, : ଓଡିଶା ଅମଲା ସଂଘର ଆହ୍ୱାନ କ୍ରମେ ଗଜପତି ଜିଲ୍ଲାର ଜିଲ୍ଲା ସ୍ତରୀୟ ମିଳିତ ଅମଲା ସଂଘର ସଦସ୍ୟ ସଦସ୍ୟାମାନେ ଗତ କାଲି ଠାରୁ ସମୂହ ଛୁଟି ନେଇଥିଲେ ହେଁ ଆଜି ଦ୍ୱିତୀୟ ଦିନରେ ଧାରଣା ପ୍ରତିବାଦ ଜାରି ରଖିଛନ୍ତି । ବିଭିନ୍ନ କାର୍ଯ୍ୟାଳୟ ସାମନାରେ ଶାନ୍ତି ପୂର୍ଣ୍ଣ ଧାରଣା ପ୍ରତିବାଦ କରିଥିବାର ଦେଖିବାକୁ ମିଳିଛି । ଏଥି ସହ ସେମାନେ ଜଣାଇଛନ୍ତି ଯେ, ଅନିର୍ଦ୍ଦିଷ୍ଟ କାଳ ପର୍ଯ୍ୟନ୍ତ ସମୂହ ଛୁଟିରେ ଯିବା ପାଇଁ ସଂଘ ପକ୍ଷରୁ ନିଷ୍ପତ୍ତି ହୋଇଛି । ସମୂହ ଛୁଟିରେ ସରକାରୀ କର୍ମଚାରୀମାନେ ରହିଥିବାରୁ ସମସ୍ତ କାର୍ଯ୍ୟ ଠପ୍ ହୋଇପଡିଛି । ଲୋକେ ପ୍ରବଳ ଗ୍ରୀଷ୍ମ ଉତ୍ତାପରେ ବିଭିନ୍ନ ଗ୍ରାମାଞ୍ଚଳ ତଥା ସହରାଞ୍ଚଳରୁ କାର୍ଯ୍ୟାଳୟ ଗୁଡିକୁ ଯାଉଛନ୍ତି । ହେଲେ ଆନ୍ଦୋଳନରତ କର୍ମଚାରୀମାନେ ନଥିବା ଯୋଗୁଁ ନିରାଶରେ ଉଭୟ ସମୟ ଓ ଅଯଥା ଖର୍ଚ୍ଚାନ୍ତ ହୋଇ ଫେରୁଥିବାର ଦେଖିବାକୁ ମିଳିଛି । ଆଜି ଗଜପତି ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଆନ୍ଦୋଳନରତ ଅମଲା ସଂଘର ସଭ୍ୟ ସଭ୍ୟାମାନେ ଏକତ୍ରିତ ହୋଇ ବିଭିନ୍ନ ଦାବି ସମୂହ ପ୍ଲାକାର୍ଡ ଓ ସ୍ଲୋଗାନମାନ ଦେଇଥିବାର ଦେଖିବାକୁ ମିଳିଥିଲା । ସେହିପରି ଗୋଷାଣି ବ୍ଲକ ବିଡିଓଙ୍କ କାର୍ଯ୍ୟାଳୟ ସମ୍ମୁଖରେ ମଧ୍ୟ ମିଳିତ ଅମଲା ସଂଘର ସଦସ୍ୟସଦସ୍ୟାମାନେ ଆଜି ଦ୍ୱିତୀୟ ଦିନରେ ସମୂହ ଛୁଟିରେ ରହି ମଧ୍ୟ ପ୍ରତିବାଦ ଧାରଣା ଦେଇଥିବାର ଦେଖିବାକୁ ମିଳିଛି । ବ୍ଲକ ଅଫିସର ସେକ୍ସେନ ଅଫିସର ବୃନ୍ଦାବନ ଗମାଙ୍ଗ, ବିଇଓ ଅଫିସର ଡି.ମନ୍ମଥ ରାଓ, ଗୀତା ପଣ୍ଡା, ତୁଷାରକାନ୍ତ ପାଇକ, ସୁମନ୍ତ ପ୍ରଧାନ, ନାସନ ଗମାଙ୍ଗା, ପ୍ରତିନବ ପରିଡା, ଶେଷଗିରି ବେହେରା, ପି.ସୁନିତା ପାସ୍ପୁରେଡ୍ଡି ପ୍ରମୁଖ ଆନ୍ଦୋଳନରେ ସାମିଲ ଥିବାର ଦେଖିବାକୁ ମିଳିଥିଲା ।