ଅମଲା ସଂଘର ଅନିର୍ଦ୍ଦିଷ୍ଟ କାଳ ପର୍ଯ୍ୟନ୍ତ ସମୂହ ଛୁଟି, ବିଭିନ୍ନ କାର୍ଯ୍ୟାଳୟ ଆଗରେ ଧାରଣା ପ୍ରତିବାଦ
ପାରଳାଖେମୁଣ୍ଡିି, ୧ା୬ : ଓଡିଶା ଅମଲା ସଂଘର ଆହ୍ୱାନ କ୍ରମେ ଗଜପି ଜିଲ୍ଲାର ଜିଲ୍ଲା ସ୍ତରୀୟ ମିଳିତ ଅମଲା ସଂଘର ସଦସ୍ୟ ସଦସ୍ୟାମାନେ ଆଜି ଠାରୁ ସମୂହ ଛୁଟି ନେଇଥିବାର ଜଣାପଡିଛି । ଏହା ସହ ବିଭିନ୍ନ କାର୍ଯ୍ୟାଳୟ ସାମନାରେ ଶାନ୍ତି ପୂର୍ଣ୍ଣ ଧାରଣା ପ୍ରତିବାଦ କରିଥିବାର ଦେଖିବାକୁ ମିଳିଛି । କନିଷ୍ଠ ସହାୟକଙ୍କ ସ୍ନାତକ ସ୍ତରରେ ଥିବା ୪୨୦୦ ଗ୍ରେଡ ପେ ଲେଭେଲ ୯କୁ ବୃଦ୍ଧି ପ୍ରଦାନ ଦାବି କରି ମେ ମାସ ୨୨ ତାରିଖ ଠାରୁ ୩୧ ତାରିଖ ପର୍ଯ୍ୟନ୍ତ କଳା ବ୍ୟାଜ୍ ଧାରଣ କରି ପ୍ରତିବାଦ କରିଥିଲେ । ତଥାପି ସରକାର ସେମାନଙ୍କ ଦାବି ସମୂହକୁ ଅଣଦେଖା କରିଥିବାରୁ ଏପରି ପଦକ୍ଷେପ ନିଆଯାଇଥିବାର ଜଣାଇଛନ୍ତି । ପାରଳାଖେମୁଣ୍ଡି ଠାରେ ଗଜପତି ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ସଂଘର ଶତାଧିକ ସଭ୍ୟସଭ୍ୟା ମାନେ ଏକତ୍ରିତ ହୋଇ ପ୍ରତିବାଦ କରିଥିଲେ । ଏଥି ସହ ସେମାନେ ଜଣାଇଛନ୍ତି ଯେ, ଅନିର୍ଦ୍ଦିଷ୍ଟ କାଳ ପର୍ଯ୍ୟନ୍ତ ସମୂହ ଛୁଟିରେ ଯିବା ପାଇଁ ସଂଘ ପକ୍ଷରୁ ନିଷ୍ପତ୍ତି ହୋଇଛି । ଏଥିରେ ଜନସାଧାରଣଙ୍କ ସରକାରୀ କାମରେ କୌଣସି ସମସ୍ୟା ଉପୁଜେ ତେବେ ସରକାର ଦାୟୀ ରହିବେ ବୋଲି ସଂଘ ପକ୍ଷରୁ କୁହାଯାଇଛି ।
