ଶ୍ରୀ ଜୀଉଙ୍କ ବରାହ ଓ ନୃସିଂହ ଅବତାର, ପ୍ରବଳ ଭକ୍ତ ଓ ଶ୍ରଦ୍ଧାଳୁଙ୍କ ସମାଗମ ।

ପାରଳାଖେମୁଣ୍ଡି  :  ଗଜପତି ଜିଲ୍ଲା ସଦର ମହକୁମା ପାରଳାଖେମୁଣ୍ଡି ସହର ଠାରେ ଚାଲିଥିବା ରଥଯାତ୍ରା ଆଜି ଚତୁର୍ଥ ଦିବସରେ ପ୍ରଭୁ ବଳଭଦ୍ରଙ୍କ ନୃସିଂହ ଓ ଶ୍ରୀ ଜଗନ୍ନାଥଙ୍କ ବରାହ ଅବତାର ଦେଖିବା ପାଇଁ ଭକ୍ତ ଓ ଶ୍ରଦ୍ଧାଳୁଙ୍କ ଭିଡ ଜମିଥିବାର ଦେଖିବାକୁ ମିଳିଥିଲା । ଅତ୍ୟନ୍ତ ଆକର୍ଷିତ ଭାବେ ଏହି ଦୁଇ ଅବତାରକୁ ବିଭିନ୍ନ ମୁଲ୍ୟବାନ ଅଳଙ୍କାର ଓ ବସ୍ତ୍ର ପାଟ ଆଦିରେ ବିଭୂଷିତ କରାଯାଇ ସର୍ବ ସାଧାରଣଙ୍କ ଦର୍ଶନପାଇଁ ଆୟୋଜନ କରାଯାଇଥିଲା । ପ୍ରଭୁଙ୍କ ବରାହ ନୃସିଂହ ଅବତାର ଦେଖିବାପାଇଁ ଆଜି ଗୁଣ୍ଡିଚା ମନ୍ଦିରରେ ପ୍ରବଳ ଜନସମାଗମ ହୋଇଥିଲା । ଝିପି ଝିପି ବର୍ଷା ବା ମେଘୁଆ ପାଗ ସତ୍ତ୍ବେ ହଜାର ହଜାର ଭକ୍ତ ତଥା ଶ୍ରଦ୍ଧାଳୁମାନେ ପ୍ରଭୁଙ୍କ ବରାହ ଓ ନୃସିଂହ ଅବତାର ଦେଖିବା ପାଇଁ ସମବେତ ହୋଇଥିଲେ । ପାରଳା ଶ୍ରୀଜଗନ୍ନାଥଙ୍କ ସେବକ ସଞ୍ଜୟ ପାଢ଼ୀ, ବଳରାମ ପଣ୍ଡା, ପ୍ରହ୍ଲଲାଦ ସୁଆର କହିଛନ୍ତି ଆଜି ଶ୍ରୀବଳଭଦ୍ରଙ୍କୁ ବରାହ ଅବତାରରେ ଏବଂ ଶ୍ରୀଜଗନ୍ନାଥଙ୍କୁ  ନୃସିଂହ ଅବତାରରେ ସଜ୍ଜିତ କରାଯାଇ ଯଥା ଵିଧି ଓ ନିୟମ ଅନୁଯାଇ ପୂଜା ପାଠ ସମାପନ କରାଯାଇ ଭକ୍ତ ଶ୍ରଦ୍ଧାଳୁଙ୍କ ଦର୍ଶନ ବ୍ୟବସ୍ଥା କରାଯାଇଛି । ରଥଯାତ୍ରାରେ ବରାହ  ଓ ନୃସିଂହ ଅବତାର ଭଗବାନଙ୍କ ୨ୟ ଅବତାର ଅଟେ । ଭିଡକୁ ନିୟନ୍ତ୍ରଣ ତଥା ସାଧାରଣଙ୍କ ସୁରକ୍ଷା ପାଇଁ  ଗଜପତି ପ୍ରଶାସନ ଓ ପୋଲିସ ତରଫରୁ ବ୍ୟାପକ ବ୍ୟବସ୍ଥା ଗ୍ରହଣ କରାଯାଇଥିବାର ଦେଖିବାକୁ ମିଳିଥିଲା ।