ଏସକେସିଜି ସ୍ଵୟଂଶାସିତ ମହାବିଦ୍ୟାାଳୟ ପରିସରରେ ନବମ ଅନ୍ତର୍ଜାତୀୟ ଯୋଗ ଦିବସ ପାଳିତ
ପାରଳାଖେମୁଣ୍ଡି : ଗଜପତି ଜିଲ୍ଲା ସଦର ମହକୁମା ପାରଳାଖେମୁଣ୍ଡି ସହରରେ ନବମ ଅନ୍ତର୍ଜାତୀୟ ଯୋଗ ଦିବସ ପାଳିତ ହୋଇଯାଇଛି । ସ୍ଥାନୀୟ ଶ୍ରୀ କୃଷ୍ଣଚନ୍ଦ୍ର ଗଜପତି ସ୍ୱୟଂଶାସିତ ମହାବିଦ୍ୟାଳୟର ପରିସରରେ ଅନୁଷ୍ଠିତ ଯୋଗ ଦିବସ ଅବସରରେ ମହାବିଦ୍ୟାଳୟର ଅଧ୍ୟକ୍ଷ ଅଜୟ କୁମାର ତ୍ରିପାଠୀ ଯୋଗଦେଇ ଉଦ୍ଘାଟନ କରିଥିଲେ । ମହାବିଦ୍ୟାଳୟ ପରିସରରେ ଏନ୍ସିସି ଆର୍ମି ବିଭାଗର ୧୨୩ ଜଣ କ୍ୟାଡେଟ୍ ମାନେ ବରିଷ୍ଠ ଯୋଗ ପ୍ରଶିକ୍ଷକ ପ୍ରସନ୍ନ କୁମାର ରଥ ଓ ରଞ୍ଜନ ମହାନ୍ତିଙ୍କ ଉପସ୍ଥିତରେ ଯୋଗ କାର୍ଯ୍ୟକ୍ରମ ପ୍ରଦର୍ଶନ କରିଥିଲେ । ସମସ୍ତ କ୍ୟାଡେଟ୍ ମାନେ ଯୋଗାସନ ଯଥା ପଦ୍ମାସନ, ମକରାସନ, ଗଦ।।ସନ, ଭୂଜଙ୍ଗାସନ, ମୁଣ୍ଡକାସନ, ସୂର୍ଯ୍ୟାସନ ସହ ପ୍ରଣାୟମ ପ୍ରଦର୍ଶନ କରିଥିଲେ । ପ୍ରାରମ୍ଭରେ ମହାବିଦ୍ୟାଲୟର ଅଧ୍ୟକ୍ଷ ଶ୍ରୀ ତ୍ରିପାଠୀ ଯୋଗ ଓ ପ୍ରାଣାୟମର ଉପାଦେୟତା, ମାହାତ୍ମ୍ୟ, ନିରୋଗ ସୂତ୍ର, ସୁସ୍ଥ ମନ ଓ ଶରୀର ପାଇଁ ଯୋଗର ଆବଶ୍ୟକତା ବିଷୟରେ ଦିଗଦର୍ଶନ ଦେବା ସଙ୍ଗେ ସଙ୍ଗେ ଏହାର ପ୍ରଚ।।ର ଓ ପ୍ରସାର ପାଇଁ କ୍ୟାଡେଟ୍ ମାନଙ୍କୁ ପରାମର୍ଶ ଦେଇଥିଲେ । ଯୋଗ କାର୍ଯ୍ୟକ୍ରମର ଶେଷ ୧୫ମିନିଟ ଯୋଗର ସଂକଳ୍ପ ଓ ଶାନ୍ତି ପାଠ କରାଯାଇଥିଲା । ବସୁଧେବ କୁଟୁମ୍ବକମ୍ ପାଇଁ ଯୋଗ ଏବଂ ଗୋଟିଏ ପୃଥିବୀ, ଗୋଟିଏ ପରିବାର ଏବଂ ଗୋଟିଏ ଭବିଷ୍ୟତର ଉଦ୍ଦେଶ୍ୟ ବୋଲି କୁହାଯାଇଥିଲା । ୨ୟ ଓଡିଶା ଏନ୍ସିସି ୟୁନିଟ ଆନୁକୁଲ୍ୟରେ ଏହି ଯୋଗ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏଥିରେ ଗଜପତି ଜିଲ୍ଲାର ଅଗ୍ରଣୀ ଶିକ୍ଷାନୁଷ୍ଠାନ ଯଥା ପାରଳାଖେମୁଣ୍ଡିର ଶ୍ରୀ କୃଷ୍ଣଚନ୍ଦ୍ର ଗଜପତି ସ୍ୱୟଂଶାସିତ ମହାବିଦ୍ୟାଳୟ, କାଶୀନଗର ଶ୍ରୀରାମ ଡିଗ୍ରୀ କଲେଜ, ପାରଳାଖେମୁଣ୍ଡିର ମହାରାଜାଙ୍କ ବାଳକ ଉଚ୍ଚ ବିଦ୍ୟାଳୟ ଓ ଗୁରାଣ୍ଡି ସ୍ଥିତ ଉଚ୍ଚ ବିଦ୍ୟାଳୟର ଏନ୍ସିସି କ୍ୟାଡେଟ୍ ମାନେ ସେମାନଙ୍କ ଏନ୍ସିସି ଶିକ୍ଷକଙ୍କ ଉପସ୍ଥିତରେ ଯୋଗଭ୍ୟାସ କରିଥିଲେ । କାର୍ଯ୍ୟକ୍ରମକୁ ମହାରାଜାଙ୍କ ବାଳକ ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷକ ଡି.ଶ୍ରୀରାମ ମୂର୍ତ୍ତୀଙ୍କ ସମେତ ଅନ୍ୟାନ୍ୟ ଶିକ୍ଷକ ଶିକ୍ଷୟତ୍ରୀ ମାନେ ପରିଚାଳନା କରିଥିବା ବେଳେ ଶିକ୍ଷକ ନିରଞ୍ଜନ ବେହେରା, ଜଗନ୍ନାଥ ପଟ୍ଟନାୟକ, ଏସ୍. ମନ୍ମଥ ରାଓ, ପି.ବେଙ୍କେଟ୍ ରାଓ ପ୍ରମୁଖ ସହଯୋଗ କରିଥିଲେ ।
