ବିଶ୍ବ ପ୍ରସିଦ୍ଧ ରଥଯାତ୍ରା ପାଇଁ ସ୍ବତନ୍ତ୍ର ବ୍ୟବସ୍ଥା
ଆଉ ଦିନକ ପରେ ବିଶ୍ୱ ପ୍ରସିଦ୍ଧ ରଥଯାତ୍ରା। ଆସନ୍ତାକାଲି ମାତ୍ର ୩ ଘଣ୍ଟା ପାଇଁ ନବଯୌବନ ବେଶରେ ଦର୍ଶନ ଦେବେ ବିଶ୍ୱନିଅନ୍ତା। ଜ୍ୱରରୁ ସୁସ୍ଥ ହେବା ପରେ ଗତକାଲି ପରି ମହାପ୍ରଭୁଙ୍କର ଆଜି ମଧ୍ୟ ବନକଲାଗି ନିତି ଅନୁଷ୍ଠିତ ହେବ । ସେପଟେ ପ୍ରସ୍ତୁତି ଚୂଡାନ୍ତ ପର୍ଯ୍ୟାୟରେ ପହଁଚିଥିବା ବେଳେ ରଥଟଣାକୁ ନେଇ ମକଡ୍ରିଲ କରିଛି ପୋଲିସ । ସେଇଭଳି ଟ୍ରାଫିକ ଆରେଞ୍ଜମେଣ୍ଟକୁ ନେଇ ରୁଟ ପ୍ଲାନ ପ୍ରସ୍ତୁତ ସରିଥିବା ବେଳେ ପରିବହନ ବିଭାଗ ପକ୍ଷରୁ ବସ୍ ଭଡା ନିର୍ଧାରଣ ଓ ଅନ୍ୟାନ୍ୟ ପ୍ରସ୍ତୁତି ସରିଛି। ଅନ୍ୟପଟରେ ଘୋଷଯାତ୍ରା ପାଇଁ ପ୍ରଥମଥର କରି ରେଳବାଇ ଓ ତଟ ସୁରକ୍ଷା ତରଫରୁ ସରିଛି ପ୍ରସ୍ତୁତି । ଜ୍ୱର ରୋଗରୁ ସୁସ୍ଥ ହେବା ପରେ ମହାବାହୁ ଆସନ୍ତାକାଲି ନବଯୌବନ ବେଶରେ ଦର୍ଶନ ଦେବେ ଭକ୍ତଗଣଙ୍କୁ । ଏଥର ଉଭାଯାତ୍ରା ନ ଥିବାରୁ ଓ ତା ପରଦିନ ଘୋଷଯାତ୍ରା ଥିବାରୁ ମାତ୍ର ୩ ଘଣ୍ଟା ପାଇଁ ନବଯୌବନ ଦର୍ଶନ କରିବେ ଭକ୍ତ ଓ ଶ୍ରଦ୍ଧାଳୁ । ଆସନ୍ତାକାଲି ସକାଳ ୬ ଟାରେ ଚଳା ଅପସର ପରେ ୭ଟା ୩0 ସୁଦ୍ଧା ଅଣସର ତାଟି ଓ ପଟିଦିଅଁ ବିସର୍ଜନ ହେବେ ।ସକାଳ ୮ ଟାରୁ ୯ ପର୍ଯ୍ୟନ୍ତ ପରିମାଣିକ ଟିକେଟ ଦର୍ଶନର ବ୍ୟବସ୍ଥା ହୋଇଛି । ପରେ ସକାଳ ୯ଟା ରୁ ୧୧ ଟା ପର୍ଯ୍ୟନ୍ତ ସାହାଣମେଲା ଦର୍ଶନ କରିବେ ଶ୍ରଦ୍ଧାଳୁ । ସେପଟେ ପରଦିନ ଘୋଷଯାତ୍ରା ରହିଥିବାରୁ ଆଜି ରଥଟଣାର ମକଡ୍ରିଲ କରିଛି ପୋଲିସ । ଭିଡ ଭିତରେ ରଥ ଗୁଡିକ କିଭଳି ଟଣାଯିବ, ଇନର ଓ ଆଉଟଡୋର କର୍ଡନ କିଭଳି ରହିବ ଏନେଇ ତିନିଟି ପୋଲିସ ଜିପକୁ ନେଇ ରଥଭଳି ଟଣାଯାଇ କରାଯାଇଛି ମକଡ୍ରିଲ । ସେପଟେ ଟ୍ରାଫିକ ଆରେଞ୍ଜମେଣ୍ଟକୁ ନେଇ ଚଳିତ ରଥଯାତ୍ରା ପାଇଁ ମିନିମମ ରେଷ୍ଟ୍ରିକ୍ସନ ଅନ୍ଲି ରେଗୁଲେସନ୍ ର ବାର୍ତ୍ତା ଦେଇଛି ପୋଲିସ। ପୁରୀର ସାହିବାସିନ୍ଦା ଓ ସେବାୟତ ମାନଙ୍କ ସହ ଆଲୋଚନା ପରେ ପ୍ରସ୍ତୁତ ହୋଇଛି ପ୍ଲାନ। ସେଇଭଳି ଟ୍ରାଫିକ ବ୍ୟବସ୍ଥାକୁ ୧୪ଟି ସେକ୍ଟର ଓ ୨୯ ଟି ଯୋନରେ ବିଭକ୍ତ କରାଯାଇଛି ।ରାଜ୍ୟ ତଥା ରାଜ୍ୟ ବାହାରୁ ଆସୁଥିବା ବସ୍ ଏବଂ ରେଗୁଲାର ବସ୍ ପାଇଁ ସ୍ୱତନ୍ତ୍ର ରୁଟ ପ୍ଲାନ ସରିଛି ।ଅନ୍ୟପଟରେ ପୁରୀରୁ ଭୁବନେଶ୍ୱର ପର୍ଯ୍ୟନ୍ତ ୩ ଟି ଇଣ୍ଟରସେପ୍ଟର ମାଧ୍ୟମରେ ଯାନବାହନ ଉପରେ ନଜର ରଖିବ ଆର୍.ଟି.ଓ. ଏବଂ ବସରେ ଦରତାଲିକା ଲଗାଇବା ବାଧ୍ୟତାମୂଳକ ରହିବ। ସେପଟେ ରଥଯାତ୍ରା ସମୟରେ ୧୨୫ ସ୍ଵତନ୍ତ୍ର ଟ୍ରେନ ଚାଲିବ | ଯାତ୍ରୀଙ୍କ ସୁରକ୍ଷାକୁ ପ୍ରାଥମିକତା ଦିଆଯିବା ସହ ପ୍ରଥମକରି ଯାତ୍ରୀଙ୍କୁ ଲୁଟ କରୁଥିବା ଲୁଟେରାଙ୍କ ଚିହ୍ନଟ ପାଇଁ face recognition system ଲାଗୁ କରିବ ରେଳବାଇ ଓ ତଟ ସୁରକ୍ଷା ବାହିନୀ। ବାଲେଶ୍ଵରରୁ ପୁରୀ ପର୍ଯ୍ୟନ୍ତ ସ୍ୱତନ୍ତ୍ର ଟିମ ସୁରକ୍ଷା ତଦାରଖ କରିବା ସହ ପାରାଦୀପରେ ଏକ ଇଣ୍ଟର ସେପ୍ଟର ରଖାଯାଇ ସାଗର ତଟ ସୁରକ୍ଷା ନିୟନ୍ତ୍ରିତ କରାଯିବ।ସହଯୋଗ ପାଇଁ ସାଗର ମିତ୍ର ମାନଙ୍କୁ ନିୟୋଜିତ କରାଯିବ । ପ୍ରଥମକରି ୫୦ ଟନ ଫାଷ୍ଟ ପାଟ୍ରୋଲିଙ୍ଗ ବୋଟ ମୁତୟନ ହେବ । ରାଜ୍ୟରେ heatwave ର ପ୍ରକୋପକୁ ନଜରରେ ରଖି ସମସ୍ତ ପୋଲିସଙ୍କ ପାଖରେ ମହଜୁଦ ରହିବ ପାଣି ଓ ORS । ଭକ୍ତଙ୍କୁ ଏହି ପାଣି ଓ ORS ଯୋଗାଈବା ସହ ଜରୁରୀ କାଳୀନ ପରିସ୍ଥିତିରେ ଭକ୍ତଙ୍କୁ ଡାକ୍ତରଖାନାରେ ପହଂଚାଇବାକୁ ପୋଲିସ୍କୁ ନିର୍ଦେଶ ଦିଆଯାଇଛି।
