ବିଜେଡି ନେତାଙ୍କୁ ଗୁଳି କଲେ ଦୁର୍ବୁତ୍ତ ,କାରଣ ଅସ୍ପଷ୍ଟ ।

ଢେଙ୍କାନାଳ : ଢେଙ୍କାନାଳ ଜିଲ୍ଲା କାମାକ୍ଷାନଗରର ବିଜେଡି ନେତା କାହ୍ନୁ ଚରଣ ସାହୁଙ୍କୁ ଗୁଳି କଲେ ଦୁର୍ବୁତ୍ତ । ବାଇକରେ ଆସି କାର କାଚ ଭାଙ୍ଗି ୨ ରାଉଣ୍ଡ ଗୁଳି କଲେ ୩ ଜଣ ଦୁର୍ବୁତ୍ତ । ଗୁରୁତର ଅବସ୍ଥାରେ ପ୍ରଥମେ କାମାକ୍ଷାନଗର ଓ ପରେ କଟକର ଏକ ଘରୋଇ ହସ୍ପିଟାଲରେ ଭର୍ତ୍ତି । କାମାକ୍ଷାନଗର ମେନରୋଡ଼ ସ୍ଥିତ ମା ତାରିଣୀ ଅଳଙ୍କାର ଦୋକାନ ସାମ୍ନାରେ ଗୁଳିକାଣ୍ଡ କରିଛନ୍ତି ଦୁର୍ବୁତ୍ତ । ଗୁଳିକାଣ୍ଡର କାରଣ ଅସ୍ପଷ୍ଟ। ରାଜନୈତିକ ନା ଠିକାଦାର ,ନା କୋୖଣସି ଅନ୍ୟ କାରଣକୁ ନେଇ ଗୁଳିକାଣ୍ଡ ହୋଇଛି ତାହା ଅସ୍ପଷ୍ଟ ରହିଛି । ପୂର୍ବରୁ ଗୋଟିଏ ଥର ଘର ସାମ୍ନାରେ ଥିବା କାର ଉପରକୁ ବୋମା ମାଡ଼ ଏବଂ ଗୋଟିଏ ଥର ଢେଙ୍କାନାଳ ଟାଉନ ଉପରେ ଗୁଳିକାଣ୍ଡ କରିଥିଲେ ଦୁର୍ବୁତ୍ତ । କାହ୍ନୁଙ୍କ ହାତ ଓ ଜଙ୍ଘରେ ଗୁଳି ଲାଗିଥିବା ସୂଚନା । ବୁଧବାର ରାତି ପ୍ରାୟ ୧୦ଟା ୪୫ ମିନିଟରେ ଘଟିଛି ଘଟଣା । ଘରକୁ କାର ଯୋଗେ ଫେରୁଥିବା ବେଳେ ୩ ଜଣ ଦୁର୍ବୁତ୍ତ ୨ଟି ବନ୍ଧୁକରେ କରିଥିଲେ ଆକ୍ରମଣ । ସିସିଟିଭି ଆଧାରରେ ତଦନ୍ତ କରୁଛି କାମାକ୍ଷାନଗର ପୋଲିସ । କାର ସାମ୍ନାରେ ବାଇକ ରଖି ପ୍ରଥମେ କାରର କାଚକୁ ବନ୍ଧୁକରେ ଭାଙ୍ଗି ଥିଲେ ଦୁର୍ବୁତ୍ତ, ପରେ କାହ୍ନୁଙ୍କ ଉପରକୁ ଗୁଳି କରିଥିଲେ । କାହ୍ନୁଙ୍କ ଗୁଳିକାଣ୍ଡକୁ ନେଇ କାମାକ୍ଷାନଗରରେ ଚାଞ୍ଚଲ୍ୟ । ଘଟଣା ସ୍ଥଳରୁ ଗୋଟିଏ ଫୁଟନ୍ତା ଗୁଳି ଜବତ କରିଛି ପୋଲିସ ।