ଛତିଶଗଡ ବନ ବିଭାଗ ର ଚଢ଼ାଉ ବାଘ ଛାଲ, ବନ୍ଧୁକ, ଫାଶ ଜବତ ସହ ଓଡିଶା ର ୬ ଜଣ ଅଟକ।

ନୂଆପଡା ଜିଲ୍ଲା ଖଡ଼ିଆଳ ବନ ଖଣ୍ଡ ଅଧୀନ ସୁନାବେଡ଼ା ଅଭୟାରଣ୍ୟ ପାଟଧରା ଅଞ୍ଚଳ ରେ ଛତିଶଗଡ ବନ ବିଭାଗ ଚଢ଼ାଉ କରୀ ବାଘ ଛାଲ, ନଖ, ଦାନ୍ତ, ବଜ୍ର କାପ୍ତା ର କାତି, ଦେଶୀ ବନ୍ଧୁକ, ଫାଶ ଜବତ କରିଛି l ଏଥିରେ ବାଘ ଶିକାର ସନ୍ଦେହ ରେ ଛଅ ଜଣ ଙ୍କୁ ଅଟକ ରଖି ଅଧିକ ତଦନ୍ତ ଚଳାଇଛି ବନ ବିଭାଗ l ଅଟକ ଛଅ ଜଣ ହେଲେ ନୂଆପଡା ଜିଲ୍ଲା ବୋଡେ଼ନ ଥାନା ପାଟଧରା ଗାଁର 4 ଜଣ, ଚିକଲ ଚୁଆଁ ଏବଂ ଖଡୁପାଣି ଗାଁର ଜଣେ ଲେଖାଏ ହୋଇଥିବା ସୂଚନା l ଛତିଶଗଡ ରାଜ୍ୟ ଉଦନ୍ତୀ ସୀତା ନଦୀ ଅଭୟାରଣ୍ୟ ରେ ଜଙ୍ଗଲ ବିଭାଗ ପକ୍ଷରୁ ଏକ ଟ୍ରାକ କ୍ୟାମେରା ଲଗାଇ ବାଘ ର ଗତିବିଧି ଉପରେ ନଜର ରଖି ଦୁଇଟି ମହାବାଳ ବାଘ ଚିତ୍ର କଏଦ ହୋଇଥିଲା l ହେଲେ କିଛି ଦିନ ପରେ ଗୋଟିଏ ମହାବାଳ ବାଘ କ୍ୟାମେରା ରେ ଦେଖା ଯାଉ ନ ଥିଲା l ପରେ କୌଣସି ସୂତ୍ର ରେ ଖବର ପାଇ ଛତିଶଗଡ ବନ ବିଭାଗ ନୂଆପଡା ଜିଲ୍ଲା ବୋଡେ଼ନ ଥାନା ଖଡୁପାଣି ଗାଁର ଜଣଙ୍କ ଘରେ ଚଢ଼ାଉ କରିଥିଲାl ଛତିଶଗଡ ର ଉଦନ୍ତୀ ସୀତା ନଦୀ ଅଭୟାରଣ ର ଉପ ନିର୍ଦ୍ଧେଶକ ଅନୁଜ ଜୈନ ଙ୍କ ନେତୃତ୍ୱ ରେ କୋଡ଼ିଏ ଜଣିଆ ଏକ ଦଳ ଖଡ଼ିଆଳ ବନଖଣ୍ଡ ଅଫିସ ରେ ପହଁଞ୍ଚି ଅଧିକ ତଦନ୍ତ ଚଳାଇଛନ୍ତି l ଅପରପକ୍ଷରେ ତଦନ୍ତ ଦିର୍ଘ ଦୁଇ ଦିନ ହୋଇଯାଇଥିଲେ ହେଁ ଖଡ଼ିଆଳ ବନ ବିଭାଗ ପାଖରେ ସଠିକ ତଥ୍ୟ ନାହିଁ , ଛତିଶଗଡ଼ ର ଏକ ସ୍ୱତନ୍ତ୍ର ଟିମ ତଦନ୍ତ ଚଳାଇଛି ଆମକୁ ଜଣାଇଲେ ସମସ୍ତ ତଥ୍ୟ ପ୍ରକାଶ କରିବୁ ବୋଲି ଖଡ଼ିଆଳ DFO କହିଛନ୍ତି ।