ଗଜପତି ଜିଲ୍ଲାପାଳଙ୍କ ବିଭିନ୍ନ ସ୍ଥାନ ପରିଦର୍ଶନ ।
ପାରଳାଖେମୁଣ୍ଡି : ଗଜପତି ଜିଲ୍ଲାରେ ନୂତନ ଜିଲ୍ଲାପାଳ ଭାବେ ଯୋଗଦେଇଥିବା ସ୍ମୃତିରଂଜନ ପ୍ରଧାନ ଶନିବାର ଜିଲ୍ଲାର ବିଭିନ୍ନ ସ୍ଥାନକୁ ଗସ୍ତ କରିଥିବାର ଜଣାପଡିଛି । ଜିଲ୍ଲାପାଳ ଶ୍ରୀ ପ୍ରଧାନ ଶନିବାର ଦିନ ସକାଳ ସମୟରେ ପ୍ରଥମେ ପାରଳାଖେମୁଣ୍ଡି ସହରର ଶ୍ରୀ ଗୁଣ୍ଡିଚା ମନ୍ଦିରରେ ପହଞ୍ଚି ୩ଠାକୁରଙ୍କ ଦର୍ଶନ କରିବାପରେ ମହାରାଜାଙ୍କ ବାଳକ ଉଚ୍ଚ ବିଦ୍ୟାଳୟରେ ପହଞ୍ଚି ୫ଟିରେ ରୂପାନ୍ତରିତ ହୋଇଥିବା ବିଭିନ୍ନ ଉନ୍ନୟନ ମୂଳକ ତଥା ବିକାଶ କାର୍ଯ୍ୟକ୍ରମର ନିରୀକ୍ଷଣ କରିଥିଲେ । ଏହାପରେ ଆର୍.ଉଦୟଗିରି ବ୍ଲକ ଗସ୍ତ କରି ଛେଳିଗଡ ଜଳସେଚନ ପ୍ରକଳ୍ପ ସ୍ଥାନ ତଥା ନିର୍ମାଣଧିନ ଟନେଲ ଆଦି ବୁଲି ଦେଖିବା ସହ ବିସ୍ଥାପିତ ମାନଙ୍କ ସମସ୍ୟା ଓ ସୁବିଧା ପଚାରି ବୁଝିଥିଲେ । ଏଥି ସହ ଡୁମ୍ବା ଠାରେ ଥିବା ପାରାଡାଇଜ ରୁରାଲ ପାର୍କ, ମିଶନ ଶକ୍ତି କାଫେ ଆଦି ପରିଦର୍ଶନ କରି ଥିବାର ଜଣାପଡିଛି । ଜିଲ୍ଲାପାଳଙ୍କ ଏହି ପରିଦର୍ଶନ ସମୟରେ ଜିଲ୍ଲାପରିଷଦର ମୁଖ୍ୟ କାର୍ଯ୍ୟ ନିର୍ବାହୀ ଅଧିକାରୀ ରୋମାଞ୍ଚଳ ଖମାରୀ, ଅତିରିକ୍ତ ଜିଲ୍ଲାପାଳ (ରାଜସ୍ୱ) ବିରେନ୍ଦ୍ର କୁମାର ଦାସ ପ୍ରମୁଖଙ୍କ ସମେତ ଜିଲ୍ଲାସ୍ତରୀୟ ଅଧିକାରୀମାନେ ଉପସ୍ଥିତ ଥିଲେ ।
