ନାତିର ପଥର ମାଡ଼ରେ ଜେଜେମା ର ମୃତ୍ୟୁ

ନବରଙ୍ଗପୁର : ନବରଙ୍ଗପୁର ଜିଲ୍ଲା ପାପଡାହାଣ୍ଡି ବ୍ଲକ ମୈଦଲପୁର ଥାନା ଗାଦବାକତ୍ରା ଗାଁରେ ଅଘଟଣ । ନାତିର ପଥର ମାଡ଼ରେ ଜେଜେମା ର ମୃତ୍ୟୁ ହୋଇଛି । ପାରିବାରିକ କଲହକୁ ନେଇ ଏଭଳି ହତ୍ୟାକାଣ୍ଡ ଘଟିଥିବା ଜଣାପଡିଛି । ମୃତକ ଜଣକ ହେଲେ ୬୦ ବର୍ଷୀୟ ରୂପାଦେଇ ଜାନି । ଗତକାଲି ଗାଁରେ ଯାତ୍ରା ଚାଲିଥିବା ବେଳେ ବିଳମ୍ବିତ ରାତିରେ ପରିବାର ରେ କୌଣସି ଏକ ବିଷୟକୁ ନେଇ ଗଣ୍ଡଗୋଳ ହୋଇଥିବା ବେଳେ ଜେଜେମା ରୂପାଦେଇ ସହ ନାତି ଶିବ ଜାନି ର ବଚସା ହୋଇଥିଲା । ଏହାପରେ ନାତି ଶିବ ଜାନି ଉତକ୍ଷିପ୍ତ ହୋଇ ଜେଜେମା ଙ୍କୁ ଆକ୍ରମଣ କରିଥିଲା । ଗୁରୁତର ଅବସ୍ଥାରେ ରାତିରେ ପ୍ରଥମେ ମୈଦଲପୁର ମେଡିକାଲ ଏବଂ ପରେ ପାପଡାହାଣ୍ଡି ମେଡିକାଲ କୁ ସ୍ଥାନାନ୍ତର ବେଳେ ରାସ୍ତାରେ ମହିଳାଙ୍କ ମୃତ୍ୟୁ ହୋଇଥିଲା । ଖବର ପାଇ ପୋଲିସ ଆଜି ଅଭିଯୁକ୍ତ ଶିବ ଜାନି ଥାନାରେ ଅଟକ ରଖିଛି । ସାଇଣ୍ଟିଫିକ ଟିମ ପହଂଚି ଘଟଣା ସ୍ଥଳରେ ତଦନ୍ତ କରିବା ସହ ହତ୍ୟାକାଣ୍ଡ ର କାରଣ ଖୋଜୁଛି ।