ଅଘୋଷିତ ବିଦ୍ୟୁତ କାଟ୍ ଓ ଅହେତୁକ ବିଦ୍ୟୁତ ଦେୟ ବୃଦ୍ଧି ପ୍ରତିବାଦରେ କଂଗ୍ରେସର ବିକ୍ଷୋଭ

ପାରଳାଖେମୁଣ୍ଡି : ଗଜପତି ଜିଲ୍ଲାରେ ଅଘୋଷିତ ଘନ ଘନ ବିଦ୍ୟୁତ କାଟ, ବର୍ଦ୍ଧିତ ବିଦ୍ୟୁତ ଶୁଳ୍କ, ଲୋଭଲଟେଜ ସମସ୍ୟା ଆଦି ପ୍ରତିବାଦ କରି  ଗଜପତି ଜିଲ୍ଲା କଂଗ୍ରେସ ପକ୍ଷରୁ  ବିକ୍ଷୋଭ ପ୍ରଦର୍ଶନ କରାଯାଇଥିବାର ଦେଖିବାକୁ ମିଳିଛି । ଆଜି ଏନେଇ ଜିଲ୍ଲା କଂଗ୍ରେସ କାର୍ଯ୍ୟାଳୟ ପରିସରରୁ ଏକ ଶୋଭାଯାତ୍ରା  ଆୟୋଜନ କରାଯାଇ ଟାଟା ପାୱାର ବିରୁଦ୍ଧରେ ବିଭିନ୍ନ ସ୍ଲୋଗାନମାନ ଦେଇ ନଗର ପରିକ୍ରମା କରାଯାଇଥିଲା । ପରେ କଂଗ୍ରେସ ନେତା ଓ କର୍ମୀମାନେ ଟାଟା ପାୱାର କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ଧାରଣା ସମାବେଶ ପ୍ରଦର୍ଶନ କରିଥିଲେ । ସେମାନଙ୍କ ଅଭିଯୋଗ ହେଲା ଜିଲ୍ଲାରେ ଆଭ୍ୟନ୍ତରୀଣ ଗାଁ ଗହଳିରେ ବାରମ୍ବାର ବିଦ୍ୟୁତ କାଟ ହେବାସହ ଦିନ ଦିନ ଧରି ବିଦ୍ୟୁତ ସରବରାହ ବନ୍ଦବା ସହ ଅହେତୁକ ବିଦ୍ୟୁତ ଦେୟ ବୃଦ୍ଧି ଆଦିକୁ ନେଇ ପ୍ରତିବାତ କରିଥିଲେ । ଏହା ସହ ଏପରି ଅଭିଯୋଗ ଅନେକ ବାର ସରକାରଙ୍କ ଦୃଷ୍ଟି ଆକର୍ଷଣ କରାଗଲେ ମଧ୍ୟ କୌଣସି ଫଳ ମିଳିନଥିବାର ପ୍ରକାଶ କରିଛନ୍ତି । ଯଦି ଏଭଳି ଅବସ୍ଥା ଯଦି ଲାଗିରହେ ତେବେ ଆଗାମୀ ଦିନରେ କଂଗ୍ରେସ ରାଜରାସ୍ତାକୁ ଓଲାଇ ଆନ୍ଦୋଳନକୁ ତୀବ୍ରତର କରାଯିବ ବୋଲି ଜିଲ୍ଲା କଂଗ୍ରେସ ସଭାପତି ତଥୀ ମୋହନା ବିଧାୟକ ଦାସରଥି ଗମାଙ୍ଗ କହିଛନ୍ତି । ଏହି ବିକ୍ଷୋଭ ଓ ଧାରଣା ସମାବେଶରେ ଅନ୍ୟମାନଙ୍କ ମଧ୍ୟରେ ଜିଲ୍ଲା ଉପସଭାପତି ବସନ୍ତ ପଣ୍ଡା, ପ୍ରାକ୍ତନ ପାରଳା ପୌରପରିଷଦର ଉପାଧ୍ୟକ୍ଷ ସଂଜୟ ଅଧିକାରୀ, ଅଭିମନ୍ୟୁ ପଣ୍ଡା, ସଂଗ୍ରାମ ସାହୁ ପ୍ରମୁଖଙ୍କ ସହ ବ୍ଲକସ୍ତରୀୟ ନେତା ଓ କର୍ମୀମାନେ ଉପସ୍ଥିତଥିଲେ ।