ନାବାଳିକାଙ୍କୁ ପ୍ରଲୋଭନ ଦେଖାଇ ଦୁଷ୍କର୍ମ ଅଭିଯୋଗ : ଗିରଫ ହେଲେ ୩ପିଲାଙ୍କ ଜନକ ।

ଗୋଷାଣି : ଗଜପତି ଜିଲ୍ଲା ଗାରବନ୍ଧ ଥାନା ଅନ୍ତର୍ଗତ ରାୟଗଡ ବ୍ଲକ ଗଙ୍ଗାବାଡ ପଞ୍ଚାୟତର ସାନଦେଉଳା ଗ୍ରାମର ଜଣେ ୧୬ବର୍ଷିୟ ନାବାଳିକାଙ୍କୁ ସେହି ଗ୍ରାମର ଜଣେ ବିବାହିତ ଯୁବକ ବିଭିନ୍ନ ପ୍ରଲୋଭନ ଦେଖାଇ ଦୁଷ୍କର୍ମ କରିଥିବାର ଅଭିଯୋଗ ହୋଇଛି । ଗାରବନ୍ଧ ଥାନା ସୂତ୍ରରୁ ପ୍ରକାଶ ଯେ, ବିବାହିତ ଯୁବକ ଜଣକ ରାଜେନ୍ଦ୍ର ଭୂୟାଁ (୨୪) ଏବଂ ତାଙ୍କର ତିନିଗୋଟି ଛୁଆ ରହିଛନ୍ତି । ସେ ପୀଢିତା ନାବାଳିକାଙ୍କ ସମ୍ପର୍କୀୟ ଜ୍ୱାଇଁ ବୋଲି ମଧ୍ୟ ଜଣାପଡିଛି । କୌଣସି ମତେ ରାଜେନ୍ଦ୍ର ନାବାଳିକା ଜଣଙ୍କୁ ବିଭିନ୍ନ ପ୍ରଲୋଭନ ଦେଖାଇ ଗତ ୦୩.୦୬.୨୦୨୩ ତାରିଖରେ ଚମ୍ପଟମାରିିଥିଲା । ନାବାଳିକାଙ୍କୁ ପ୍ରଥମେ ଆନ୍ଧ୍ରର ମଞ୍ଜୁଷା ଗ୍ରାମକୁ ଚଲାଇ ଚଲାଇ ଯାତ୍ରା ଦେଖାଇ ଥିଲା । ପରେ ସେ କେଉଁଆଡେ ନେଇଯାଇଥିଲା ତାହା ସ୍ପଷ୍ଟ ଭାବେ ନାବାଳିକା ଜଣକ କହିପାରୁ ନଥିବା ବେଳେ ଆନ୍ଧ୍ରର କୌଣସି ଏକ ବଡ ସହରରେ ନେଇ ରଖିଥିବାର ଅନୁମାନ କରାଯାଉଛି । ପରେ ତାକୁ ସେଠାରେ ବିଭିନ୍ନ କଥା କହି ବିବାହ ପ୍ରତିଶ୍ରୁତି ଠାରୁ ଆରମ୍ଭ କରି ପ୍ରଲୋଭନ ଦେଖାଇ ଦୁଷ୍କର୍ମ କରିଥିବାର ପ୍ରକାଶ କରିଛି ନାବାଳିକା ଜଣକ । ଇତି ମଧ୍ୟରେ ନାବାଳିକାଙ୍କ ପରିବାର ଲୋକେ ବହୁ ଖୋଜା ଖୋଜି କରିବା ପରେ ନ ପାଇ ନାବାଳିକାଙ୍କ ମା ଗତ ୦୯.୦୬.୨୦୨୩ ତାରିଖରେ ଗାରବନ୍ଧ ଥାନାର ଦ୍ୱାରସ୍ଥ ହୋଇଥିଲେ । ଗାରବନ୍ଧ ପୋଲିସ ଅଭିଯୋଗକୁ ଗୁରୁତର ସହ ନେଇ ତଦନ୍ତ ତଥା ଅନୁସନ୍ଧାନ ଚଳାଇଥିଲେ । ଆଜି ପରିଶେଷରେ ଗାରବନ୍ଧ ଥାନା ପୋଲିସ ହାତରେ ଉଭୟ ଧରାପଡିଥିଲେ । ରାଜେନ୍ଦ୍ରଙ୍କୁ ପଚରାଉଚରା ପରେ ଗିରଫ କରିବା ସହ ଆଜି ମଧ୍ୟାହ୍ନ ସମୟରେ କୋର୍ଟ ଚାଲାଣ କରାଯାଇଥିବାର ଗାରବନ୍ଧ ଥାନା ଅଧିକାରୀ ଗୋବିନ୍ଦ ଗୌଡ ସୂଚନା ପ୍ରଦାନ କରିଛନ୍ତି ।